|
Fréttir28.2.2010Kaldur dagur á TjarnalandiSpaði frá Fremra-Hálsi  Spaði frá Fremra-Hálsi keppti á Ístölti Austurlands á Tjarnalandi síðastliðinn laugardag og var hann ferlega flottur.
Stefán Sveinsson keppti á Spaða bæði í B-flokki og töltkeppni-opnum flokki.
Spaði er vígalegur á brokki og töltið er í mikilli framför.
 25.1.2010Ánægð með hlýjuna Þarna spóka þau sig í vetrarblíðunni. Frá vinstri: Mön 7, ónefnd undan Frigg - Slæða?, Melkorka, Sæstjarna og Skarpur. 18.1.2010Folöld fædd á Skorrastað sumarið 2009 Hér fyrir ofan spókar sig í sumarblíðunni Skarpur frá Skorrastað. Hann er undan Orku, Adamsdóttur frá Meðalfelli og Klerki frá Þjóðólfshaga, Kringlu- og Hugasyni. Skarpur er þroskamikið folald, háreistur og leggjalangur. Orka, móðir hans, er nú fylfull við Sigri frá Hólabaki.  Þetta merfolald er ennþá ónefnt en er undan Frigg frá Fremra-Hálsi og Grásteini frá Brekku, Gustssyni frá Hóli. Afkvæmi Friggjar eru að koma frábærlega út í tamningu. Stefnt er með tvö þeirra á Landsmót í sumar í kynbótadóm og Spaði (2003) vakti mikla athygli í fyrravor. Hann er nú í tamningu hjá Stefáni Sveinssyni á Útnyrðingsstöðum ásamt Skörungi, Orku- og Sæssyni. Merfolaldið hennar Friggjar fer á mjúkum gangi enda alhliða hestar í báðar ættir. Frigg er núna fylfull við Hágangi frá Narfastöðum, Glampasyni frá Vatnsleysu. Hefur einhver hugmynd að nafni á þetta fallega mertryppi ? Þarna gægist út í vetrarríkið hún Röskva sem verið hefur á húsi frá því í september. Hún slasaðist í kjafti og gat ekki drukkið sem leiddi til þess að Freyja, móðir hennar, missti mest alla mjólkina. Það má því segja að tamningin á Röskvu hafi hafist nú í haust. Henni var gefin mjólkurblanda í tvo mánuði en er núna á góðu heyfóðri, fiskimjöli og hestakögglum. Faðir Röskvu er Eldjárn frá Tjaldhólum sem hefur verið í allra fremstu röð kynbótahesta og keppnishesta á sýningum undanfarinna ára. Móðir Röskvu, Freyja er undan Þokka frá Árgerði og Emblu Gáskadóttur frá Hofsstöðum. Það eru því bundnar vonir við þessa litlu meri og vonandi að hún bíði ekki skaða af óhappinu í sumar. Fleiri myndir eru í einu myndaalbúmanna hérna á heimasíðunni. More pictures can be found in one of the picture albums. 8.1.2010Heimaslóðir Skorrahesta
Hérna gefur að líta heimaslóðir Skorrahesta. Barðsnesið er næst á myndinni. Inn úr Norðfjarðarflóanum skerast þrír firðir, Norðfjörður(með þéttbýlinu) og eyðifirðirnir, Hellisfjörður og Viðfjörður. Dalirnir inn af fjörðunum ásamt fjöllum, söndum og ströndum eru reiðleiðir Skorrahesta. Fjallið inn af miðjum Norðfirði heitir Hólafjall og er toppur þess einn af áfangastöðum Skorrahesta.
Here you can see riding paths of Skorrahestar. Walleys, mountains, sands and seashores are unforgetable riding along.
31.12.200930. des Þökkum öllum okkar gestum og samstarfsaðilum fyrir ánægjuleg samskipti á árinu 2009 kveðja, Skorrahestar 29.12.2009Vetraríki Nú er mikið vetrarríki í Norðfirði. Það setur auðvitað svip sinn á mannlífið í firðinum, sérstaklega hjá bændum, hestamönnum og útivistarfólki. Reynt er að ryðja reiðveginn en varla búið að því þegar hann fyllist af snjó á ný. Þó var stund milli snjóa í gær (28/12) og notuðu margir hestamenn sér það og lögðu á fáka sína. Á myndinni hérna að ofan sést að snjórinn er langt kominn með að kaffæra bæði tæki og hýbýli. Vonandi verður þessi snór þó farinn af sólpallinum við gistiaðstöðu Skorrahesta þegar fyrstu gestirnir koma, seinnipartinn í júní. 22.12.2009jólatíðin Ágætu gestir á heimasíðu Skorrahesta. Gleðileg jól og farsælt komandi ár. Á myndinni hérna fyrir ofan má sjá flesta aðstandendur Skorrahesta, alla í jólaskapi. Sóley Þórðardóttir er þó ekki á myndinni þar sem hún er við nám í Svíþjóð. Fólkið er, talið frá vinstri: Sunna Júlía, Alli, Júlíus Bjarni (eins árs), Siggi, Thea, Doddi, Sigga Thea og Jóna Árný. Svo má sjá fulltrúa dýranna á bænum: Vaskur ( hvolpur frá Þorvaldsstöðum í Breiðdal af íslensku smalahundakyni), Hosa (frá Brennistöðum í Eiðaþinghá, situr á öxlinni á Alla), Loppa (horfist í augu við Júlla), Áslákur (hani af landnámshænsnakyni frá Maren á Ásláksstöðum í Eyjafirði),Glæsir (hreinræktaður forystusauður,þarna með jólabjöllur en á sumrin er hann með sauðabjöllu um hálsinn), Skorri (frá Þorvaldsstöðum) og Silfurtoppur, sem er verðugur fulltrúi hestakostsins á Skorrastað. 27.9.2009Brosað í reiðtúr Myndin hérna fyrir ofan er úr síðustu ferð Skorrahesta. Þar voru á ferðinni gestir úr síðasta hópi veraldarvina sem dvelja í Norðfirði þetta árið - 6 að tölu. Þau voru öll algjörlega óvön hestum. Eins og sjá má var sebneska stúlkan í einhverjum vandræðum með Vöku á þessari stundu en á heimleiðinni var hún búin að ná nokkrum tökum á reiðlistinni og fór á fínu tölti heim reiðveginn. Jóna Árný var kennari hennar og fylgist vel með henni þarna. Á Sóloni situr ungur maður frá Þýskalandi og við hlið hans japönsk stúlka á Silfurtoppi. Hún hraut reyndar af baki í túrnum því klárinn hljóp niður allar brekkur. En hún meiddist ekkert. Sitt hvoru megin við undirritaðan (á Skímu) eru svo tvær spænskar ungmeyjar á Sprota og Gusti. Franskur strákur ríður svo Smára. Eins og sjá má á brosi ungmennanna þá var þetta skemmtileg upplifun og eitt þeirra sagði að þetta væri toppurinn á dvöl þeirra á Íslandi. Með þessum reiðtúr eru Skorrahestar komnir í vetrarfrí. Örfáir hestar eru þó enn á járnum enda göngum ekki lokið. Ætlunin er að taka nú til við tamningar á Skrúði, Skímu og Þórdísi. Í því skyni var gerðið við hesthúsið hreinsað í dag og hesthúshaugnum dreift á tún. Ég vek athygli á tveimur nýjum myndum og smá bloggi hérna fyrir neðan. Kveðja, Doddi 27.9.2009Veraldarvinir í reiðtúrum Meðal gesta Skorrahesta þetta sumarið eru Veraldarvinir - ungt fólk frá mörgum löndum sem vinnur sjálfboðavinnu í byggðarlögum víða um land. Þegar þessi mynd var tekin (sú efri) þá voru farnar tvær ferðir þann daginn - 10 gestir í annarri og 11 í hinni. Allt gekk vel og þarna er verið að fara yfir Norðfjarðará neðan Kirkjubóls. Séð suður í melana norðan Hálsins, á það svæði sem fer undir þjóðveg þegar byrjað verðu á nýjum Norðfjarðargöngum. Á neðri myndinni eru veraldarvinir úr öðrum hópi ásamt undirrituðum. Þann dag voru einnig farnar tvær ferðir en nú með 5 gesti í hvorri ferð. Nánast allir þessir gestir eru óvant hestafólk og því er farið hægt en samt reynt að sýna þeim frábæra eiginleika íslenska hestsins þegar kemur út fyrir sléttar götur og grundir út í árfarvegi, gil og skorninga. Það er þá sem upplifunin er hvað sterkust hjá þessum gestum - og reyndar einnig hjá okkur þessum vönu því eins og flestir vita sem það reyna, þá er toppnum í hestamennsku náð á ferðalögum um fjöll og firnindi, sléttar grundir og óvegu.  3.9.2009Lagt upp í hestaferðinaEinar stórbóndi í Skálateigi tók mynd af því er Skorrahestar lögðu upp í sína fyrstu 6 daga ferð 26. júlí í sumar. Hann sendi mér myndina og telur hana vera merkilega að þessu leyti auk þess að vera góða. Hér kemur svo myndin. Eins og sést þá rigndi þennan dag eins og flesta aðra daga í ferðinni. Lausu hestarnir sjást ekki á myndinni því þeir hlupu niður um opið túnhlið sem kostaði eltingarleik fyrir kúskana, harðsnúna. Við riðum þarna í fyrsta áfanga inn fyrir Naumamel og höfðum flest hestaskipti þar og riðum svo áfram upp í Hóladal á slóðir þær er Þorvaldur Thoroddssen fór meira en einni öld áður og mig langaði að sýna gestunum. Er upp í Hóladal kom var þoka í Hólaskarði og nánast slydda í dalnum þarna í ca. 850 m hæð. Mjög vont er undir hófum í dalbotninum, eggjagrjót, en þó sýnu verra er ofar dregur í slóð Þorvaldar. Því snerum við undan og riðum út með Skeiðfellinu ofan Efstadals og út fyrir ofan Mýrdalsstafn þaðan niður Langamel utan dalsins allt niður í Mýrdal og þaðan niður að áningarstaðnum innan Naumamels. Þar beið Thea okkar með heitt á brúsum og bakkelsi.  31.8.2009Veraldarvinir í reiðtúrSunnudaginn 30/8 fór 21 veraldarvinur í reiðtúr hjá Skorrahestum. Þetta voru tveir hópar í tvo tíma hvor. Allir (að heita má) voru algjörlega óvanir hestamenn - byrjendur. Það var því nokkur vandi á höndum því einungis 3 öruggir byrjendahestar eru í hestahópnum. Hinir hestarnir virða þó vel þegar riðið er í lest og það var það sem gert var í þetta skipti. Við fórum inn að Kirkjubóli (mest á feti), þar yfir Norðfjarðará og yfir í Hálsinn og síðan heim. Áð var í tvö skipti og tínd ber og spjallað. Sumir gestanna óuðu og æjuðu þegar riðið var um mishæðótt landslagið - ofan í gil og upp aftur - en aðrir báru sig betur. Hestarnir eru sífellt að sanna sig að vera þolinmóðir við byrjendur en svo allgóðir og góðir reiðhestar hjá þeim sem meira kunna. Hópnum fylgdu 4 aðstoðarmenn og veitti ekki af. Skíma (5v) og ekki fulltamin tók t.d. viðbragð þegar knapinn missti ístöðin og klemmdi sig á hana. Þá reið einn kúskurinn í veg fyrir hrossið og náði að stöðva það í tíma. Myndirnar sem fylgja eru úr þessum reiðtúr.Eins og sjá má var veðrið gott - aldrei þessu vant - og spillti það ekki ánægjunni.   25.8.2009sumarið að líðaÞað er lítið um að vera hjá Skorrahestum þessa stundina. Þó er verið að ljúka heyskapnum -hestarnir þurfa nóg vetrarfóður til að vera tilbúnir fyrir vinnuna næsta sumar. Þeir eru flestir enn á járnum og verða sumir notaðir í göngurnar í haust. Skúmur er þó kominn í frí. Svo er verið að huga að skipulagi næsta sumars og líklegt að ný tilboð líti dagsins ljós. Það var lítill áhugi á dagsferðunum (engin slík farin en svolítið spurt) svo það verður tæplega lagt upp með það tilboð aftur. Nokkuð var um stutta reiðtúra með gesti - en það var þó aldrei reiknað með þeim í áætlunum . Þessir reiðtúrar líkuðu vel og voru gestir af mörgum þjóðernum - líka íslendingar. Við munum þó áfram reyna við lengri ferðir þar sem allt er innifalið enda gekk sú ferð vel í sumar þrátt fyrir óhagstætt veðurfar. Í haust verður hugað að tamningum á tryppum. Þar er t,d, fjögurra vetra hryssa - Þórdís frá Brekku F. Þokki frá Árgerði og M. Katla frá Brekku Mánadóttir frá Ketilsstöðum. Hún er jörp að lit og trúlega töggur í henni ef litið er til móðurinnar sem er afar galvösk reiðhryssa. Svo er Gárasonur og Orku Adamsdóttur, Skrúður í eigu Jónu Árnýjar Þórðardóttur. Rauður vel gerður foli með allan gang lausan. Önnur Þokkadóttir, Freyja, kastaði folaldi um miðjan ágúst og verður því varla tamin meira fyrr en á vordögum. Þá er það 5 vetra hryssa, Skíma Ólgudóttir, Ófeigsdóttur frá Flugumýri og Arnardóttur frá Útnyrðingsstöðum Gustssonar frá Hóli. Sú hryssa er töluvert riðin en ganglagið er erfitt. Sæssonur og Orku, Skörungur 5v, sem Sóley Þórðardóttir hefur þjálfað i sunmar þarf líka að komast í áframhaldandi þjálfun þegar líður fram á. Sóley er nú farin til náms til Svíþjóðar svo það verður að finna Skörungi nýjan þjálfara. Vonandi er þarna efni á ferð þó fremur illa hafi gengið að töltsetja hann. Upprennandi Skorrahestar munu vonandi verða til ráðstöfunar næsta sumar í viðbót við hina eldri - sem standa vissulega fyrir sínu.
Á þessari mynd er hryssan Orka frá Meðalfelli með soninn Skrúð Gárason nýkastaðan.
 19.8.2009Rigningardagur Gestir frá Danmörku
Í dag, 19. ágúst, hefur rignt afar mikið í Norðfirði. Það var hins vegar lagt á eins og aðra daga enda góðir gestr í heimsókn, komnir alla leið frá Jótlandi. Fra vinstri: Hanne á Sprota, Anne á Sleipni, Edle á Silfurtoppi og heimafólkið Sunna á Tinnu og Doddi á Sóloni. Riðið var í 3 tíma og bötnuðu hestarnir með hverjum kílómetrinum. Sunna sýndi skeiðsprett á Tinnu og Sólon greip í það líka á bökkunum fyrir neðan Skorrastað. Dönsku knaparnir stóðu sig mjög vel og þótti með ólíkindum hvað hestarnir voru fótvissir og duglegir úti í náttúrunni. Svo þótti þeim töltið dásamlegt. Jafnvel Silfurtoppur tölti á heimleiðinni undir Edle.
Nýja folaldið undan Freyju og Eldjárni frá Tjaldhólum. Freyja er undan Þokka frá Árgerði og Emblu Gáskadóttur frá Hofsstöðum. Hvorki Eldjárn né Freyja eru blesótt en báðir afarnir eru það. Nú er bara að finna nafn á þessa fallegu hryssu.
5.8.2009ótíðinÞað er blessuð ótíðin þessa vikuna eins og þá síðstu þegar Skorrahestar voru í ferðinni góðu. Það hefur meira að segja heldur bætt í rigninguna og landið því orðið enn verra yfirferðar. Það er allt pallrólegt hjá Skorrahestum eftir ferðina. Þó var teymt undir nokkrum færeyskum börnum inni á félagssvæði Blæs á mánudaginn og höfðu þau gaman af. Ein færeysk hestakona fékk svo að ríða með heim í hesthús á Smára (sem heitir eftir Smára Geirssyni fv. sósíalista enda hesturinn fæddur 1. maí og taldi þáverandi eigandi að hann yrði að bera nafn einhvers frægs verkalýsðleiðtoga). Sú færeyska á bara norska brokkara heima hjá sér og þótti henni töltið fínt eftir að Elke (þýski gesturinn og aðstoðarkonan í ferðinni) hafði kennt henni að setja klárinn á tölt. Tíminn núna er notaður til að bera á reiðtygi og var Elke búin að þvo flesta hnakkana ogbera á þá leðurfeiti áður en hún fór til síns heima (ekki ónýtt að hafa svona gest :) Sóley hyggst gefa nokkuð í við þjálfunina á Skörungi (Sæs og Orkusyni, 5v) áður en hún fer í námið út til svíþjóðar. Skörungur var með í ferðinni en það var ekki mikið á hann lagt. Ég er svo að ríða á Elgi frá Vopnafirði og mér finnst að töltið sé ekki langt undan - enda mikið búið að ganga á til að fá klárinn til að tölta. Við Thea skoðuðum Hágang og hryssuna okkar Frigg í gær. Ég gat gengið að klárnum. Vonandi er hryssan þegar fylfull en til er veturgömul undan Hágangi og Orku. Kveðjur, Doddi Sleipnir nýtur útsýnisins af Hólafjalli  4.8.2009Fyrstu langferð Skorrahesta lokiðÞá er jómfrúarferð Skorrahesta lokið. 10 manna hópur; 6 íslendingar, 3 hollendingar og 1 þjóverji voru í ferðinni. Fyrsta daginn var riðið inn í Fannardal og upp í Hóladal sem liggur að Hólaskarði þar sem landkönnuðurinn Þorvaldur Thoroddsen fór yfir með hesta seint á 19. öld og mátti teljast einstakt afrek. Þann næsta var riðið yfir Hnúka, niður í Hellisfjörð, yfir í Viðfjörð og svo til Vöðlavíkur og gist þar. Þriðja daginn riðum við út á Krossanes og svo veginn yfir í Viðfjörð og gistum þar. Fjórða daginn var riðið út á Barðsnes og svo yfir í gegnum Viðfjörð, Hellisfjörð og heim í Norðfjörð og gist á Skorrastað það sem eftir var ferðar. Fimmta daginn var farin töltreið út á leiru í Norðfirði fyrri partinn og seinnipartinn var svo riðið meðfram Hengifossi upp í Oddsdal og út á Skugghlíðarbjarg, þar sem loksins fékkst útsýni en annars var bara búið að vera þoka og rigning alla hina daganna með tilheyrandi litlu útsýni. Síðasta daginn var svo riðið inní Seldal, upp á Hólafjall og niður Staðarháls til baka. Þoka hafði verið að læðast í kringum Hólafjallið frameftir degi en þegar við vorum komin upp á topp rofaði til og fengum við fínasta útsýni. Skipuleggjendur eru ánægðir með ferðina og vonandi gestirnir líka. Í ferðinni voru 23 hross sem stóðu sig vel í þessu erfiða landalagi. Engin skeifa týndist sem hlýtur að teljast skrautfjöður í hatt járningarmannsins! Thea eldaði frábæran mat og færði reiðmönnunum hressingu á völdum stöðum sem kom sér vel í vætunni. Rekstrarmennirnir 3 (Sóley, Siggi Þór og Sunna Júlía) fengu oft dygga aðstoð frá gestunum enda lausu hestarnir ekki vanir leiðinni og þrjóskuðust stundum við að fylgja. Gestirnir voru mjög vel reið'færir sem kom sér vel á þessari erfiðu leið. Sérstaka athygli vakti þó að börnin tvö í ferðinni (12 ára), Auður og Tómas spjöruðu sig með miklum ágætum. Fyrir utan samvistanna við gæðingana í ferðinni var ýmislegt sérstaklega eftirminnilegt. Þar má telja: - kjarrbrekkuleið níður af Selbrúnum innst í Hellisfirði, sem ekki er mælt með að verði farin aftur - heitur pottur hjá Geir og Siggu á Ímastöðum - fjarska vel þegið eftir langan og blautan dag - Atlandshafs-reið í Vöðlavík! - viðureign sels og máfs undan Stuðlahnausum á Barðsnesi - söngur með frábærum undirleik trúbadorsins Hlyns Ben - útsýnið af Hólafjalli Skorrahestar þakka gestum sínum komuna og óska þeim velfarnaðar. Sérstakar þakkir fær Elke Patschan fyrir frábæra hjálp við undirbúning og útfærslu ferðarinnar. Þá þökkum við öllum þeim sem lánuðu okkur hestana sína í ferðina - frábært að eiga góða að. Hestalisti: Silfurtoppur, Sleipnir, Gustur, Tinna, Sproti, Smári, Sólon, Ljóska, Mugga, Vaka, Skúmur, Skörungur, Skíma, Elgur, Hvöt, Valdur, Stubbur, Gullblesa, Silfurblesa (Von), Logi, Gola, Þokkadís, Nökkvi. Hér er mynd sem Thea tók frá Skorrastað af hópnum uppi á Hólafjalli:  Hópurinn að koma niður í Hvamma á leiðinni til baka niður af Hólafjalli þar sem Thea beið með heitt kakó, kaffi og kökur.  31.7.2009ÓtitlaðÞá er fyrsta langferð Skorrahesta í fullu fjöri. 10 manns, þar af 6 íslendingar hafa ferðast með Skorrahestum seinustu 5 daga um Gerpissvæðið í mikilli þoku og rigningarslagviðri á köflum. Allt hefur gengið vel og er mikil ánægja meðal gesta þrátt fyrir votviðrið. Seinasti dagurinn er á morgun og er þá vonast eftir bjartviðri svo hægt verði að ríða uppá Hólafjall. Hér er mynd frá því þegar verið er að járna við Viðfjarðarhúsið:  Og svo er hér hópurinn á leiðinni af stað út á Barðsnes:  Svo verður vonandi tekin álíka mynd af hópnum uppá Hólafjalli á morgun, en þessi er síðan síðastliðinn laugardag, þegar Doddi, Sóley og Elke prufuðu leiðina uppá Hólafjall:  8.7.2009SumarblíðaÁ Norðfirði er mikil sumarblíða þessa dagana. Núna í kvöldsárið var farið með níu veraldavini, óvana og vana, í góðan reiðtúr. In Norðfjörður there is very lovely summer weather these days. Now in the afternoon we went with 9 "Woldwide Friends" (volunteers workers in iceland), both experienced and not experienced riders on a nice riding tour.  17.6.2009SkorrahesturSkörungur
IS2004176379
Skörungur er 5 vetra og rauður á litinn. Efniliegur foli. Stór, mikill gæðingur og alhliðahestur.
knapi er Sóley Þórðardóttir
eigandi er Þórður Júlíusson
Skörungur is 5 years old and red colored. He is promasing, big, gaedingur and five ganger.
rider is Sóley Þórðardóttir
owner is Þórður Júlíusson 17.5.2009SkorrahesturSkúmur
IS2002176379
Skúmur frá Skorrastað er 7 vetra geldingur í eigu Sóleyjar. Hann er dökkjarpur að lit, fallegur, reistur, þýðgengur og fer vaxandi sem reiðhestur.
Skúmur from Skorrastað is 7 years old owned by Sóley. He is dark bay, beautiful, good riding shape, soft gated and is progressing as a riding horse. 11.5.2009SkorrahesturSmári
IS1998176366
Smári er 11 vetra og bleikálóttur á litinn. Hann er góður fyrir vana jafnt sem óvana. Tölt er hans aðalgangur og hann er þægilega viljugur.
Knapi á mynd; sunna júlía þórðardóttir.
Eigandi; Sigríður Theodóra Sigurðardóttir
Smári is 11 years old and his color is yellow dun. He is good for riding both for expierienced riders as well as beginners. Tolt is his favorite gate and he has a comfortable spirit.
Rider on photo; sunna júlía þórðardóttir
Owner; Sigríður Theodóra Sigurðardóttir
5.5.2009SkorrahestarVaka
<---
IS2001276379
Vaka er 8 vetra, brúnskjótt hryssa. Hún er þýðgeng og vel viljug.
Vaka is 8 years old, black pinto mare. She is soft gated and has a good spirit. 2.5.2009SkorrahesturLjóska
IS2000287482
Ljóska er 9 vetra frá Súluholti. Hún er ljós fífilbleik á lit. Hún er sérlega þýðgeng og vel viljug.
Knapi : Þórður Júlíusson
Ljóska is 9 years old from Súluholt. Her color is light red dun. She is very soft to ride on and with a good spirit.
Rider : Þórður Júlíusson
28.4.2009ÓtitlaðSproti
IS1996166061
Sproti er 13 vetra alhliða gæðingur. Hann er móálóttur - mósóttur á lit. Glæsilegur hestur. Töltið er hans besta gangtegund.
Sproti is 13 years old, five ganger horse. His color is blue dun. He is a gorgeus horse and his favorite is tolt.
24.4.2009SkorrahestarTinna
Tinna, fædd 1994. Eigandi: Guðjón Á. Jónsson og knapi á þesari mynd er Sóley Þórðardóttir. Tinna er alhliðahryssa í 2. verðlaunum í kynbótamati. Hún er harðviljugur gæðingur.
Tinna is borne 1994. She is a five gater, with a hard temperment. 22.4.2009SkorrahesturSleipnir
Sleipnir er 15 vetra gamall, fífilbleikur, blesóttur á litinn. Hann er skemmtilegur og ljúfur reiðhestur sem og keppnishestur.
Sleipnir is 15 years old, red dun with blaze. He is fun and sweet riding horse. And he is a good contest horse to.
20.4.2009SkorrahesturSilfurtoppur
Elsti ferðahestur Skorrahesta. Hann er 16 vetra, bleikálóttur vindóttur á litinn. Silfurtoppur er ljúflingur, öruggur og skemmtilegur hestur.
The oldest traveling horse Skorrahesta. He is 16 years old, and his color is silver dapple/bay. Silfurtoppur is sweet horse, safe, and fun to ride on.
7.4.2009Riðið úr hlaðiÞá halda Skorrahestar úr hlaði. Það er riðið hægt af stað á feti en búast má við meiri hraða á öðrum gangtegundum þegar komið er á betri reiðgötur. Fara á upphafssíðu Flettingar í dag: 36 Gestir í dag: 15 Flettingar í gær: 32 Gestir í gær: 13 Samtals flettingar: 12339 Samtals gestir: 4163 Tölur uppfærðar: 21.3.2010 22:17:31 |
|
|
 |
|
 |
|
Skorrahestar 8481990 / 8918036 Skorrastaður 4 Norðfjörður í Fjarðabyggð 4771736 Skorrahestar bjóða upp á menningartengdar hestaferðir austast á Íslandi. Norðfjörður, afdalir hans og Gerpissvæðið er vettvangur ferðanna. Tenglar
|
|
 |
|
 |
|
|
